Roli i SPAN-K në avokimin për një rregullore të drejtë
SPAN-K do të angazhohet aktivisht në avokimin për një rregullore të drejtë që mbështet industrinë e avullimit dhe ndihmon në parandalimin e masave kufizuese të padrejta. SPAN-K, po ashtu, synon të angazhohet edhe për:
- Kontribut direkt në draftimin e ligjit
• Anëtar i SPAN-K është edhe kompania Evapify – e pranishme në 24 shtete dhe me eksperiencë të gjerë ndërkombëtare;
• Anëtarët e SPAN-K ofrojnë praktika të verifikuara dhe modele ligjore funksionale nga BE dhe jashtë saj;
• SPAN-K synon në kontribuimin e një ligji të drejtë, të zbatueshëm dhe në linjë me standardet evropiane. - Fushatë kombëtare: “Lëre Cigaren për 45 Ditë”
• SPAN-K ofron program gjithëpërfshirës për reduktimin e dëmit dhe promovimin e zgjidhjeve më të sigurta.
• SPAN-K ofron mbështetje edukative dhe psikologjike, produkte alternative me zbritje, si dhe rrëfime suksesi dhe ndjekje të progresit. - Bashkëpunim me shkolla për kontroll të konsumit
SPAN-K do të punojë me përfaqësues të shkollave dhe komunave të ndryshme, për:
• edukim të hershëm të të rinjve për rreziqet e nikotinës;
• trajnim të mësimdhënësve për identifikim dhe reagim në rast të përdorimit të nikotinës në shkolla; dhe
• krijimin e mjediseve shkollore pa nikotinë. - Financimi të një linje raportimi anonime
SPAN-K do të krijojë një linjë telefonike dhe një platformë digjitale për të raportuar lidhur me shitjen e produkteve të nikotinës të miturve dhe konsumimin e produkteve të nikotinës nga persona të mitur. - Partneritet të hapur me institucione
• SPAN-K është e gatshme për bashkëpunim me institucionet publike, në veçanti Ministrinë e Shëndetësisë, Doganën, ATK-në dhe Kuvendin e Kosovës.
• Objektiv i bashkëpunimi është draftimi i akteve ligjore që nuk ndëshkojnë progres por garantojnë siguri. - Mbrojtje të mjedisit
SPAN-K synon të marrë hapa konkret drejt mbrojtjes së mjedisit, përmes krijimit të një zgjidhjeje të qëndrueshme për riciklimin e produkteve alternative të nikotinës. Si një veprim i përbashkët me institucionet publike, SPAN-K është e gatshme të bashkëpunojë me kompani private të specializuara në riciklimin, grumbullimin dhe trajtimin e mbetjeve nga produktet.
